All about Astrology updates, Tamil, Astrology News, Astrology Photo Gallery, Astro Reviews, Astro Gallery etc...
சனி, 30 ஜனவரி, 2021
ஜாதக பாவங்களும் பலன்களும், மூன்றாம் பாவம், சகோதர ஸ்தானம், வெற்றி ஸ்தானம், தைரிய ஸ்தானம்
வணக்கம் நேயர்களே!
நாம் இப்போது பார்க்க போவது லக்னத்தில் இருந்து மூன்றாம் பாவம் அல்லது மூன்றாம் வீடு என சொல்லப்படக்கூடிய சகோதர பாவம் பற்றி பார்க்க போகிறோம்.
இந்த இடத்தை சகோதர ஸ்தானம் என்றும், வெற்றி ஸ்தானம் என்றும், தைரிய ஸ்தானம் என்றும் கூறுவது உண்டு.
இந்த பாவம் லக்னம் முதல் அறுபதாவது டிகிரியில் ஆரம்பித்து முப்பது டிகிரிகள் கொண்ட பாவமாகும்.
ஜாதகரின் சகோதர சகோதரிகள், தைரியம், வெற்றி, வலது காது, கால்கள், சலன புத்தி, வலிப்பு, மகிழ்ச்சி, உறவினர்கள், சிநேகிதர்கள், பயணங்கள், வெளியூர் செல்லுதல், தொண்டை, சொத்து, ஆபரனங்கள், கல்வி, கடந்தகால சிந்தனை, வளர்த்தி, பனியாட்கள், மதம் சார்ந்த பற்று, அண்டை அயலார், எழுதும் சக்தி அதாவது எழுத்து திறன், மூளையைப்பற்றிய விபரம், அவசர தகவல்கள் ஆகிய விபரங்களை இந்த பாவத்தின் மூலம் தெரிந்து கொள்ளலாம்.
இதில் தகவல்கள் என்பது மேடைப்பேச்சு, கடிதம் எழுதுவது, மொபைல் போனில் பேசுவது, பிரசங்கம் செய்வது, குற்றம் சாட்டுவது, கதை எழுதுவது போன்றவற்றை குறிக்கும்.
இந்த பாவத்தில் சில நல்ல பலன்களும், கூடவே கெடுபலன்களும் சேர்ந்து இருப்பதால், இந்த பாவாதிபதி வலுப்பெற்று காணப்பட்டால் நன்மை தீமை இரண்டுமே கலந்து காணப்படும். இந்த பாவாதிபதி வலு இழந்து காணப்பட்டாலும் மறைந்தாலும் இரண்டு பலன்களுமே குறைந்துவிடும்.
இந்த பாவத்தில் சுப கிரகங்கள் இருப்பதை விட பாவ கிரகங்கள் இருப்பதே மேலானதாகும்.
சூரியன், செவ்வாய், ராகு, கேது, சனி ஆகிய கிரகங்கள் மூன்றாம் பாவத்தில் இருந்தால் நற்பலன்களை கொடுக்கும்.
ஜாதக பாவங்களும் பலன்களும், இரண்டாம் பாவம், தனஸ்தானம், வாக்குஸ்தானம், குடும்பஸ்தான்ம்
இரண்டாம் பாவம்
வணக்கம் நேயர்களே!
நாம் இப்போது பார்க்க போவது லக்னத்தில் இருந்து இரண்டாம் பாவம் அல்லது இரண்டாம் வீடு என சொல்லப்படக்கூடிய தன பாவம் பற்றி பார்க்க போகிறோம்.
இந்த வீடு தோராயமாக பிறந்த டிகிரி முதல் முப்பது டிகிரிகளுக்கு அடுத்த இடத்தை குறிப்பிடுவதாகும்.
இந்த இடத்தை தன ஸ்தானம் என்றும், குடும்ப ஸ்தானமென்றும், வாக்குஸ்தானம் என்றும் சொல்லப்படுகிறது. இந்த பாவத்திலும் பல உட்பிரிவுகள் இருக்கிறன.
ஜாதகர் பேசக்கூடிய பேச்சின் தன்மை, மதம் சார்ந்த நம்பிக்கை, செல்வ நிலை, நகங்களைப்பற்றிய விபரம், வலது கண்ணை பற்றிய விபரம், மூக்கின் அமைப்பு, உண்மையும் – பொய்யும், நாக்கின் அமைப்பு, வைரம், முத்துக்கள், வியாபார கண்ணோட்டம், எடுக்கும் தீர்மானம், தாராள தன்மை, நண்பர் நேசம், செலவு, பெருந்தன்மை, நிபுனத்துவம், குடும்ப நிலை, வாழும் விதம், முக லட்சனம், சொத்து, படிப்பு, அடுத்தவர்களை பற்றிய சிந்தனை ஆகியவற்றை குறிக்கும் இடம் இதுவாகும்.
மேலும் நேர்வழியில் சம்பாதிக்கும் சொத்தும், வருமானமும் ஒருவர் மேல் ஏற்படும் அன்பையும் எடுத்துக்காட்டும்.
இந்த பாவாதிபதி வலுவுடன் இருந்தால் மேற்கூறிய பலன்கள் அதிகரித்து காணப்படும்.
இந்த பாவாதிபதி ஆறு, எட்டு, பன்னிரண்டாமிடங்களில் மறைந்திருந்தாலோ அல்லது அஸ்ந்தங்கம் அடைந்து இருந்தாலோ இந்த பாவ பலன் குறைந்து காணப்படும்.
இந்த பாவத்தில் சுபகிரகங்கள் இருந்தாலும் பார்த்தாலும் இந்த பாவம் விருத்தியடையும், பாவ கிரகங்கள் இருந்தாலும் பார்த்தாலும் பலன் அற்பமாகும்.